මියාට හිතුනු කවි සිතිවිලි

Wednesday, October 30, 2013

෴ වීරයෝ සහ පිස්සෝ ෴

*              ජීවිතේ හැමදාම ඔහේ ගලනවා . ඒ රිද්මය වෙනස් කරන්න ඉදිරිපත් වෙන්නේ බිහිම ටික දෙනයි . ඒ ඉදිරිපත් වෙන සමහරු වීරයෝ . තවත් සමහරු හොඳ හොඳ පොරවල් . අනිත් කට්ටිය තමයි පිස්සෝ කියන්නේ . වීරයෙක්ට හැමතිස්සෙම ආර්ට් එහෙකුයි , දර්ශනයකුයි තියෙනව , පිස්සෙක් අරමුණක් නැතිව ඔහේ කියෝනවා ( මං වගේ ) , පොරක් කියන්නේ අනිත් අයව විවේචනය කරමින් තමන්ට හීන හදාගන්න දඟලන කෙනෙක් , පොරක් හැමතිස්සෙම පරමාදර්ශී චරිතයක් හඹාගෙන ගිහින් තමන්ට තත්වයක් හදා ගන්නවා

      ශ්‍රී ලංකාවේ සමාජය ගත්තම හරියට ළිං කටක් වගේ . ළිං කටකා වැටුණු මිනිහෙක් ඒ ළිං කටෙන්ම ගොඩ එන්න ඕන . නැත්නම් මේ සමාජ ක්‍රමය ඇතුලේ ඒ මිනිහා අන්ත අසරණ වෙලා නන්නත්තාර වෙනවා . වීරයෙක් කියන්නේ ජීවිතේ විඳපු කෙනෙක් වගේම විඳවපු කෙනෙක් . වීරයෙක්ගේ " ආත්මය "පෙනේරයක් වගේ හිල්වෙලා  තියෙන්න පුළුවං . දහදොලොස් වතාවක් කාලකන්ණී වෙල තියෙන්න පුළුවං ඒ වගේම නාස්ති වෙලා තියෙන්න පුළුවං . චරිතේ කැතවෙලා තියෙන්න පුළූවං . ඒත් හැම මොහොතකම වීරයෙක්ට හෘද සාක්ෂියක් තියෙනවා .

        මේ ලෝකේ කවුරුහරි තමන් දරන සිද්ධාන්ත , මතිමතාන්තර නිසා බොහෝ දෙනෙක්ගේ ඇණුම් , බිණුම් වලට ලක්වෙනවා නම් , කිසියම් වටිනාකමක් ඒ පුද්ගලයාට ලැබෙනවා ඒ අය තමයි වීරයෝ . සමාජයේ ඝන පතුල බිඳෙන බිඳගෙන , සමාජ අසාධාරණයට එරෙහිව සැබෑ හඬක් නගන්න පුළුවන් වීරයෙක්ට විතරයි

        සමනළයෙක් වෙන්න හීන දකින මිනිස්සු , සමනළයෙක් වගේ ජීවත් වෙන්න හිතපු මිනිස්සු යුධ සෙබළුන් ලෙස මිනිසුන් මරාගන්නා යුද්ධයකට හවුල්කරුවන් කරගත් රටක් මේක , ඉතිං ඒ හැමදේම එක්ක වීරයෝ හුඟක් රටට අහිමි වුණා අන්තිමට ඉතිරි උනේ " පොරවල් " විතරයි ඒ පොරවල් ටිකක් බළයෙන් , ධනයෙන් , ලිංගිකත්වයෙන්  මත්වෙලා බලවාදී  හීන ලෝකවල මොණර කොළවලින් චාතූර්මහා ආජික හදාගෙන පැත්තකට වුණා මොණර කොළ හිංදා සමහර වීරයන් නිවටයෝ වගේ පැත්තකට වෙලා දෙන දෙයක් කාලා වෙන දෙයක් බලාගෙන ඉන්න පුරුදු වුණා.

      දේදුන්නේ පාටක් වගේ , පියාඹන ලස්සන කුරුල්ලෙක් වගේ , ගාඩිනියා මලක සුවඳ වගේ.සේපාලිකා බුමුතුරුණක් වගේ... පිස්ස්ක් හැම වෙලාවෙම ජීවත් වෙන්නේ ෆැන්ටස් එහෙක . ප්ලේටෝ කියන විදියට නම් මිනිහෙක් විනාශ කරන්න ඉස්සෙල්ලා දෙවියන් ඒ මිනිහව පිස්සු වට්ටනවලු . ඒ කතාවේ ඇත්ත නැත්ත දන්නේ ඉතිං ප්ලේටෝම තමයි . සමහරු කියන්නේ ප්ලේටෝත් එක්තරා ආකාරයක පිස්සෙක් කියලා... එහෙම බැලුවොත් ඉතිං දාර්ශනිකයෝ කියන හැමකෙනාම පිස්සෝ වෙනවා...

           ඇත්ත කාරණය ඇතුලේ වීරයන්ට හා උන්මත්තකයන්ට ජීවිතය ගැනවත් , මරණය ගැනවත් බයක් නැහැ. වීරයෝ හා උන්මත්තකයෝ අනතුරු ගැන තැකීමක් කරන්නෙත් නෑ . ඒගොල්ලෝ අනිත් අය කියන දේවල් අහන්නෙත් නෑ තමන්ට කැමැති දේ විතරක් කරනවා . පිස්සෙක් සියදිවි නහගන්නවා . වීරයා අරමුණක නාමයෙන් ජීවිතය පූජාකරනවා ඉතිං මේ දෙන්නම මැරෙනවා . වීරයන්ගේ හා පිස්සන්ගේ මුග්ධත්වයත් ,  විශිෂ්ටත්වයත් ගැන දවල් රෑ නැතුව සිතමින් පොරක්  කල් ගෙවනවා තමන්ගේ  ආරක්ෂණ පවුර උඩට නැගලා බාහිර ලෝකය දිහා බලන්න තරම් දහිරියක් පොරකට එන්නේ මේ මොහොතෙදි විතරයි . ඒ උනාට අත් පා පීඩාවට පත්වෙලා ආපහු පුරුදු ජීවිතයටම පොරක් පල්ලම් බහිනවා .

හැබැයි ඉතිං ඇත්ත කාරණෙ ඇතුලේ බොරු ආරූඬ නැතිව අපි අපි වෙන්න ඕන . එතකොට ජීවිතේ ගොඩක් නිදහස් , ඒ වගේම සැහැල්ලුයි . ඒකට තමයි හැබෑ " මනුස්සකම " කියන්නේ

Friday, May 31, 2013

෴ පරාණ කාරයා ෴

************ එම සන්දෑව ගැබ්බර අහස වේදනාවෙන් හඬ තළමින් පැවතියේය. යසෝහාමි මිය ගිය පුවත ගම මත පතිත හෙණයක වෙස් ගත්තේය . රෝගාතුර වී සිටියද ඇය මෙතම් ඉක්මනට මිය පරලොව යතැයි කිසිවෙක් නො ඇදහූහ . යසෝගාමිගෙ නිවසට රෑස් වූ සැමගේ මුහුණේ සනිටුහන් වූයේ එම අරුමයයි..

************ඇයගේ දියණියන් වන පේමලතා සහ සිරියලතා එකිනෙකා පරයමින් ළතෝනි නැගූහ.සිරිපාල හා යසපාල පුතුන් දෙදෙනා හඬ නොනැගෙනසේ වැලපුනහ. සැමියා සාදිරිස් මුදලාලිගේ ;) වැලපීම පිරිමියෙකුට නොතරම් විය . මාපියන් අනුව යමින් මුණුපුරු මිණීපිරියෝද තරඟයට මෙන් ළතෝනි නැගූහ . ඔවුන් අස්වැසිමට කිසිවකු ඉදිරිපත් වූ බවක් නොපෙණින . මරණය ඇසූ මොහොතේ ඇති වූ කම්පනය මදක් හඬාදොඬා හෝ අඬුකර ගැනීම මැනැවැයි සියල්ලෝම සිතන්නට ඇත .


************යසෝහාමිට වැළදී  තිබුණෙ සුව කළ නොහැකි පිළිකා රෝගයක් වූවද එය එසේ යැයි පිළිගැනීමට ඇයගේ දුවා දරුවෝ සූදානම් නොවූහ ඔවුන්ගේ ඒකයන අදහස වූයේ ඇයගේ රෝගයට හේතුව එදිරිවාදියෙකු විසින් කරන ළද කොඩිවිනයක ප්‍රතිළුලයක් බවයි. කොතෙකුත් බෙහෙත් හේත් කළ ද රෝගය සුව නොවූ කළ ඔවුන්ගේ මෙම විශ්වාසය මල් ළුල ගැණීන . ඇයගේ අවසාන මොහොත එළැඹීයේද ඇය තෙල් සාත්තුවක් හදහා ගුරුන්නාන්සේ කෙනෙකු වෙත රෑගෙන යමින් සිටියදීය.

***********රෝගතුරවීමට ප්‍රථම කාගේත් ඕනෑ එපාකම් සදහා තම කාළයත් ශ්‍රමයත් කැප කල යසෝහාමිගේ අවසාන කාලයේදී ඇයගේ සැපදුක් බැලීමට නෑදෑයන්ට මෙන්ම අසල්වාසීන්ටද  ඉඩක් ලැබුණේ නැත. එය එසේ වූයේ යසෝහාමිගේ සුවදුක බැලීමට එන යන ජනී ජනයා හේතුවෙන් කිළි අසුවීමෙන් ඇය වෙත කරන ලද ශාන්ති කාර්මයෙහි බල  බිදෙතැයු දූ දරුවන් තරයේ විශ්වාස කළ නිසාය.

***********යසෝහාමිගේ මරණය සැලවූ අසල්වාසීහූ වඩාත් කම්පා වූයේ ඇයගේ අවසාන කාලයේ ඔවුනට ඇය වෙත පැමිණ සැපදුක බැලීමට හෝ ඇය හා වචනයක් දෙකක් දෙසීමටවත් අවසර නොලැබුණ නිසාය . අවසාන කාලයේ ඇයගේ සුවදුක් විමසීමට ඉඩ නොදීම පිලිමදව තැන තැන රෑස් වූ පිරිස් ප්‍රසිද්ධියේම යසෝ හාමිගේ දූ දරුවන්ට දොස් දොවොල් නැගුවෝය

***********රෝහලෙන් මල් ශාලාවටත් මල් ශාලවෙන් අවමංගල රථයටත් සීරුවෙන් මාරු වූ යසෝහාමිගේ පරාණකාරයා දේහය හා සමගම නිවස වෙත ළඟා විය . දේහය සාලයේ තැන්පත් කළ සැනින් විලාප නගන සැමියාත් දූ දරුවනුත් මුණූපුරු මිණිපිරියනුත් අස්වසනු රිසියෙන් ඔවුන් වෙත මරුවෙන් මාරුවට පරාණකාරයා ළං වූ නමුදු එක් ස්ථානයක රෑදී සිටීමේ හැකියාවක් පරාණකාරයට නොවීය . එහෙයින් තැන තැන පාවී යනු වළක්වා ගනු වස් පරාණකාරයා දෙන ඉහළ වියන මත ලැගුම්ගත්තේ එහි සිදුවන දෑ හරියාකාරවම පැහැදිලිවම දැකබලා ගැනීම සදහා  සුදුසුම ස්ථානය එය වග පසක් කොට ගත්තාක් මෙනි .

***********වරින්වර සිහසුන්ව ඇද වැටෙමින්ද අඳෝනා නගමින්ද ඔවුන් වැළපෙන අයුරු දුටු පරාණකාරයා මොවුන් තමාට මෙතරම් ආදරය කළ වග මෙතුවක් දැන නොසිටීම පිළිබඳව කනස්සල්ලට පත්විය. ඉඳීන් කෙසේ නම් මොවුන් හැර දමා යන්නද ?  නැත . මොවුන් හැරදමා යා යුතු නැත . මියගියද ඔවුන් පසුපසම සැරිසරමින් ඔවුන්ගේ  දුක සැප සොයමින් මෙහිම වාසය කළ යුතු යැයි  පරාණකාරයා තීරණය කළේය . සාලය මැද උඩුකුරුව දෙන තුළ වැතිරී නිදන තම ශරීර තූඩුව දෙස පරාණ දෙස පරාණකාරයා බලා සිටියේ විමතියෙනි . එය බොහෝ සෙයින් විකෘති වී තිබුණී . දින කිහිපයකට සරිලන සේ එම්මබාම් කොට තිබූ සිරුර වියළි දර ඉපලක් සිහිගැන්විය . සිරුර එසේ වූවද දෙන වැසී යන තරමටම පණ ගැහෙන සුවඳමලින් සරසා තිබූණේය . පරවී හැලෙන මල් සඳහා මෙතරම් මුදලක් වැය කිරීම පිළිබදව පරාණකාරයාට ලෝභ සිතුණී . කවදත් තමා සම්බන්ධ සෑම කටයුත්තකදීම අත මිට දිඟ හැට විය පැහැදම් කිරීමට පසුබට නොවන සාදිරිස් තමාගේ මළගමෙහි සැරසිලි වෙනුවෙන්ද හැකි ඉහළම අයුරින්  විය පැහැදම් කරන්නට ඇතැයි පරාණකාරයා කල්පනා කළේය .

*********විටින් විට පැමිණ දෙණ දෙස බලා සිටිනා සාදිරිස් දෙස පරාණකාරයා බලා සිටියේ මහත් කණගාටුවෙනි . තමාගේ මරණයෙන් මෙලොව වඩාත්ම කම්පාවට පත්වන තැනැත්තා සාදිරිස්  බව පරාණකාරයා දනී . ඇය හොද සුවයෙන් සිටි කාළයේ තමාට හැකි උපරිම අයුරින් සාදිරිස් වෙත ආවතේව කළ අයුරු පරාණකාරයට සිහිවිය .සාදිරිස් මුදලාලී ද යසෝහාමි ඉල්ලූ හැම දෙයක්ම සෑම විටම නිර්ලෝභීව ඇය වෙත ලබා දුන්නේය . හැකි ඉහළම අයුරින් තමාගේ අවසාන කටයුතු කිරීම සාදිරිස් මුදලාලිගේ අභිලාශය විය යුතු යැයි  පරාණකාරයා කල්පනා කළේය .අවසන් ගෞරව දැක්වීම සඳහා දෙන වෙත පැමිණෙන නෑයන් ,  හිතවතුන් මෙන්ම අසල්වැසියන් දෙස පරාණකාරයා බලා සිටියේ විමසිල්ලෙනි . ඔවුන්ගේ  මුහුණෙහි ගම්‍ය වූ ශෝකී විලාශය හැබැහින්ම හදවත තුළත් පවතින්නේදැයි වටහාගැනීමට පරාණකාරයා අපොහොසත් විය.

**********දැන් දැන් සියල්ලන්ගේම හැඬුම නතර වී ඇත . නිවසට යන එන අය පිළිගැනීම , ඔවුන්ට සංග්‍රහ කිරීම  , මරණය සිදිවූ අයුරු විස්තර කථනයෙහි යෙදීම , ඉතිරි වැඩ කටයුතු පිළීබඳව සංවිධානය කිරිම ආදියෙහි නිරත වූ සාදිරිස් සහ දුවා දරුවන්ට දැන්  ආදාහානාගාරය වෙත ගමන් ඇරඹිමට ප්‍රථම පරාණකාරයද අවමංගල රථය තුළට රිංගා ගත්තේය දෙන ආදාහනාගාරය තුළට ඇතුළු කොට ගිනිදැල්වීමක් සමඟ රෑස්වූ පිරිස් ක්‍රම ක්‍රමයෙන් විසිරී යන්නට වූහ . නිවසෙහි පිළීයෙළ වූ සංග්‍රහය භුක්ති විදීම සඳහා කරන ලද ආරාධනයෙන් බොහෝ දෙනෙක් යළි නිවස වෙත ළඟා වූහ . මේ වනවිටත් තාවකාලිකව අටවන ලද මුළුතැන්ගෙය යුද පිටියක වෙස් ගත්තේය . එහි බත් , වට්ටක්කා , කරවල ආදියෙන් සමන්විත මළ බත දුම්දමමින් පිළීයෙළ වෙමින් තිබිණ සම්ප්‍රදායනුකූලව වට්ටක්කා , කරවල පිසූ නමුදු ඊට අමතරව තවත් බොහෝ මාළු පිනිද ව්‍යාංජනද එයට එක් කළ යුතු වගට එක හෙළාපවසා සිටි සාදිරිස්ගේ මතය වෙනස් කිරිමට සමත් කිසිවෙකු එහි නොවීය.

**********පුරුෂ පාර්ශවය වෙනුවෙන් නිවසේ ඇතුළු කාමරයක මත්පැන් සංග්‍රහය සංවිධානය කර තිබුණි . තැම්බූ එළවළු, කජු සහ තැම්බූ කඩල ආදිය කට ගැස්ම සදහා වූ අතර ඉස්තරම්ම වර්ගයේ රට බීම වර්ගද එහි තබා තිබුණී . කවදත් කෑමෙන් බීමෙන් අන්‍යන්ට සංග්‍රහ කිරීමෙන් තුටු පහටු වූ සාදිරිස් මුදලාලි මුළුතැන්ගෙයත් ආලින්දයත් අතර සැරිසරමින් නෑදෑ හිතවතුන්ගේ ඕනෑ එපාකම් සොයා බැලු හෙයින්  හොදීන් ඇඳගෙන නිවි සැනසිල්ලේ මත්පැන් තොල කට ගෑමේ අවකාශයක් ඔහුට නොවීය එහෙයින් ඔහු අඩියක් හැසුවේ දුවන පෙරහැරේය .

********** " බැදුම් දැන්ම හොද නැහැනේ  ඒ නිසා තෙල් දාන්න විදියක් නෑ ඔය තියෙන හැටියට දැනට කමු . හත් දවසෙදි මදි නොකියන්න දෙන්නම් " සාදිරිස් නෑදෑ හිතවතුන් අමතා පැවසූයේ කට ගැස්මෙහි වූ අඩුපාඩු පිළිබඳව ඔවුන්ගෙන් සමාව අයදින්නාක් මෙනි . " අඩුපාඩු නෑ .. අඩුපාඩු නෑ. එකම අඩුව යසෝ නැන්දා නැති එක විතරයි ඒකට ඉතිං මක්කරන්නද ? "

" උපන්නොත්.... මනු සතා මනුලොවේ.......
  මරණයත්..... කොටා ඇත නළලේ.."
 
එක් අයෙකු තාලයට ඇද පැද කීවේය.

**********සාලයේත් මුළුතැන්ගෙය තුළත් මද්‍යපානයේ නියුතු වූවන් අතරින් වරින් වර සැරි සැරූ පරාණකාරයට දැඩි වෙහෙසක් දැණීනි . ඔවුහූ විවිධ මාතෘකා ඔස්සේ කථා කළෝය . රටේ දිනෙන් දින ඉහළ නගින බඩු මිල ආර්ථික  මධ්‍යස්ථානයන්හී එළවලු මිල ගණන් තීරණය වීමේ ක්‍රමවේදය , වාහනවල මිල අඩු / වැඩි වීම ,  සමිතියේ මීළඟ වාරයේ විනෝද චාරිකාව සංවිධානය කළ යුත්තේ යාපනයටද , ත්‍රිකුණාමලයටද ආදී වශයෙන් ඔවුහූ දොඩමළු වූහ .

**********සිය මුණූපුරු මිණිපිරියන්ට තරවටු කරමින්ද , ඇඟපත සෝදා ගන්නා ලෙස අණකරමින්ද , පසුගිය දින කිහිපයේ නිදිවැරීම නිසා අදවත් හරියාකාරව නිදාගත යුතුයැයි මැසිවිලි නගමින්ද දූ පේමවතී සහ සිරියලත කාමරයෙන් කාමරයට මාරුවන අයුරු පරාණකාරයා දුටුවේ තමා ජීවත්ව සිටියදී අත පැළැදි මුදුව පේමවතීත් කන පැළැදී අරුංගල ජෝඩුව සිරියලතාත් පපු තුරෙහි සඟවා ගන්නා ආකාරයයි . 

**********පරාණකාරයා සියල්ලන්ගේම මුහුණු විපරම් කරමින් මුළු නිවස පුරා සැරි සැරීය . ඔවුන්ගේ මුහුණූ මළානික වී හේ බා තිබෙන්නේ තමාගේ වියෝව පිළිබඳ ශෝකයෙන් ද නැතහොත් පසුගිය දින කිහිපයේ නිදිවර්ජිතව ගත වූ නිසාදැයි පරාණකාරයාට ඇතිවූයේ දෙගිඩියාවකී . දින කීපයක් තිස්සේ වෙස් මුහුණු පැළඳ නාටකයක් රඟ දැක්වූ නළු නිළි කැළක් මෙන් සියල්ලෝම තම ර්ංගනයෙන් ඉවත් වී නැවතත් තම තමන්ගේ පියවී චරිත තුළට ආරූඬවෙමින් පවතින  අයුරු පරාණකාරයා නිරීක්ෂණය කළේය . මත්පැන් වීදුරුවක් මුවඟට ළං කරමින් හුන් සාදිරිස් මුදලාලී දෙස අවසාන වතාවට බැලුම් හෙලූ පරාණකාරයා නිවසෙන් පිටත් වී ගෙමිදුලෙන්ද බැහැර වී ඉහළ අවකාශයේ ඈතට ඈතට පාවී ගියේය..................



Wednesday, March 20, 2013

෴ සතුට ෴

මගේ බිලොග් එකෙ නම මීයාගෙ රස කතා උනාට ඇති රස කතාවක් නෑනෙ ඉතින් මං හුඟ කාලෙකින් කතාවක් නොලියපු හින්ද කල්පනා කල අද පොඩ් කෙටි කතාවක් ලියන්න හරි හරි එවාගෙං වැඩක් නෑ අපි කෙලිංම කතාවට බහිමුකො මෙන්න මේකයි කතාව..........

මාර්ගය දෙපස වූ සුපිරි වෙළදසැල් මෙන්ම පදික වෙදිකාවෙහි අටවාගත් කුඩා වෙළදසැල්ද ජනී ජනයාගෙන් පිරී ඉතිරී තිබුණි .ඇඳුම් ආයිත්තම් විකිණිමට කෑගසන වෙළඳුන්ගේ හඬට කේවල් කරන ගැහැනුන්ගේ හඬ මුසුව එය තරමක කළ එළි බසින අහස් කූරු ,නිලා කූරු වලට ලැබී ඇත්තෙ හොද ඉල්ලුමකී . උදාවන නත්තල් උත්සවය මහට් ඉහළින් සැමරීමට බොහෝ දෙනා උනන්දු වන අයුරු ලක්ශාණි නිරීක්ශණය කලාය.

බස් රථ කිහිපයක් පැමිණියත් ලක්ශාණි ඒවාට ගොඩ නොවූයේ දැඩි තදබදයක් තිබුණා බැවින් තම ඇඳුම් පොඩිවේ යයි බියවූ බැවිනි . එමෙන්ම ඇයට සම්මුඛ පරීක්ශණයට පෙනී සිටීමට තවත් කාල වේලාව ඉතිරිව තිබුණි . අත තිබූ ලිපි කවරය පෙරළා බැලූ ඈ අදාළ සහතික සියල්ල තිබේදැයි නැවතත් පරික්ෂා කොට බැලූවාය සම්මුඛ පරීක්ෂණයට කැඳවා තිබූ ලිපිය දකින විට ඇයට දැනුනෙ  සතුටකී එයට අවශ‍‍‍‍‍ය්‍ය තරමටත් වඩා සුදුසුකම් ඇති බැවින් රෑකියාව අනිවාර්‍ය්‍යයෙන් තමාට ලැබෙන ඇතැයි ඇයට දැඩි විශ්වාසයක් විය ආත්ම ශක්තියෙන් මෙන්ම ඇඳ සිට අලුත්ම ඇඳුමෙන් ලැබුණ ලැබුණ වැදගත් පෙනුමෙන් ඇගේ සිත පුබුදුවා තිබුණි

තමාට මඳක් එපිටින් බස් නැවතුමෙ රෑදී සිටි ගැබිණි කාන්තාවක මහත් අපහසුවෙන් පසුවන අයුරු ලක්ශාණි දුටුවාය දුර්වර්ණ වී ගිය බාල වර්ගයේ ඇඳුමක් ඇඳ සිටී ඇය පයලා සිටියෙ බෙහෙවින් ගෙවී ගිය පරණ සෙරප්පු යුගලයකී .ඇගේ මුහුණ විඳ ඇති දුක් ගැහැට පිළිබිඹු කරන කැඩපතක් බඳු විය . ඇගේ පෙනුම මෙන්ම ඈ පත්ව හිඳින අපහසුතාවය දුටු ලක්ශාණිට ඇතිවූයේ අනුකම්පාවකි . ඇය අවට සිටි කිහිප දෙනෙකු වෙත ගොස් යමක් විමසා සිටියත් ඔවුන් ඇයව නොසළකා හරින අයුරු ලක්ශාණි දුටුවාය . තවත් මොහොතකින් ඇය විලි රුදාවෙන් මෙන් දගලමින් අසල තිබූ වෙළඳ සලක දොරටුව අසල බිම ඉඳගත් විට එහි සේවකයෙක් ඇයව බැණ එලවා දැමිමේ අශෝභන ලෙස බැණ වදිමිනි

ඈ වැදගත් පෙනුමෙන් යුතු කාන්තාවන් කිහිප දෙනෙකු වෙත ගොස් යාමට පිහිටවන ලෙස බැගෑපත් ලෙස ඉල්ලා සිටියත් ඔවුන්ගෙන් ඇයට අනුකම්පා සහිත බැල්මක් හෝ නොලැබුණි . නත්තල් උත්සවය වෙනුවෙන් මිලදී ගත් රෙදි පිළි ආදියෙහි බර දරා සිටි ඔවුන් තවත් කෙනෙකුගේ බර දැරීමට කැමති වූයේ නැත . පැමිණෙන බස් රථවල මිනිසුන් තෙරපී සිටි ආකාරය අනුව ඇයට ඒවාට ගොඩවීම අසීරු වූවා මෙන්ම ඇතැම් කොන්දොස්තරවරු ඇයව නංවා ගැනීමට කැමති වූයේද නැත කුලී රථයක යාමට ඇයට මුදල් නැති බව පැහැදිලිය . මරියා මව්තුමිය ජේසුබිළිදු බිහිකීරීමට තැනක් සොයමින් බෙත්ලෙහෙම පුරා ඇවිද ගිය අයුරු හදිසියේම   ලක්ශාණිගේ මනසෙහි ඇදී ගියේය . හැම තැනකින්ම දොරගුලු වැසි ඇයට බිළිදා බිහිකිරීමට සිදුවූයේ ගව මඩුවකය . එවෙලෙහි මරියතුමියගේ තනියට ජූසේ තුමා හෝ සිටියේය දෙනෝ දහක් මැද වූවත් තමාගේ යයි කිවහැකි කාත් කවුරුවත් නැති මෙම කාන්තාව එයටත් වඩා අසරණයයි  ලක්ශාණිට සිතුණි .

එම කන්තාව අසලට ගිය  ලක්ශාණි  තොරතුරු විමසා ඇයව ත්‍රිරෝද රථයකට නංවාලූයේ රෝහල වෙත යාමට අවශ‍ය ගාස්තුව ගෙවීමට සූදානම්වෙමිනි . එහෙත් ඇගේ බැරෑරුම් තත්වය දුටු ත්‍රිරොද රථ රියදුරු ඈ පමණක් තනිව රෑගෙන යාමට කැමති වූයේ නැත. මාරකරුවෙක් නැතුව ඇයව රෑගෙන ගොස් එවන් අවදානමක් දැරීමට ඔවුහු කැමති නොවූහ.

 ලක්ශාණි  පත්වූයේ මහත් දෙගිඩියාවකටය . අත බැඳි ඔරලෝසුව බැලූ ඈ රෝහලට ගොස් සම්මුඛ පරීක්ශණය ඇති ස්ථානයට යාමට යන්තමින් වෙලාව ඉතිරිව ඇති බව දුටුවාය .එහෙත් මාර්ග තදබදය ඇති ආකාරය අනුව ඒ ගැන විශ්වාසයක් තැබිය නොහැක .ඉල්ලුම් කර තිබූ රෑකියාවට ඇය තුල තිබූනේ  දැඩි කැමැත්තකී .සම්මුඛ පරීක්ශණයට කැඳවා තිබූ වෙලාවට නොගියොත් කොතරම් සුදුසුකම් තිබුණත් ඔවුන් තමාගැන නොපැහැදෙනු ඇත. කාන්තාවගෙ කෙඳිරිය නැවතත් තීව්‍ර වන විට ත්‍රී රෝද රථයට ගොඩවූ  ලක්ශාණි  ඈ අසලින් අසුන්ගෙන වහා රෝහල වෙත යන ලෙස රියදුරුට කීවාය.

හැකි වේගයෙන් රෝහළ වෙත යාමට රියදුරා උත්සහා ගත්තත් මාර්ග තදබදය නිසා එය පහසූ වූයේ නැත .අදාළ වෙලාව ඉක්මවා යමින් තිබෙනු දැක  ලක්ශාණි ගේ සිත තුල ඇතිවූයේ  වේදනාවකී .රෝහල ආසන්න වන විට එම කාන්තාව රිය තුළම වමනය කරේ   ලක්ශාණි ග් ඇදූම්වල පවා විසිරෙන අයුරිනි . කාන්තාව හඬමින් ඇගෙන් සමාව ඉල්ලූවාය සම්මුඛ පරීක්ශණයට සහභාගි  වීමේ අදහස අතහැර දැමූ ඈ රෝහලට ආසන්න බැවින් තවත් ටික වේලාවකින් වේදනාව දරාගන්න ලෙස කියමින් කාන්තාව අස්වැසුවාය . රොහලට ඇතුළු කළ වහා ඇය සූත්‍රිකාගාරය වෙත ගෙන යනු ලැබුනි ඈ නැවත වට්ටුව වෙත රෑගෙන එන තෙක්   ලක්ශාණි රෑදී සිටියේ විස්තර විමසා නිවැසියන්ට දැන්වීමෙ අදහසිනි. අමනය පැල්ලම් සහිත ඇදුම්වලින් සැරසී සම්මුඛ පරීක්ශණයට සහභාගී විය නොහැකි බැවින් හදිසිවීමට කාරණයක් නැත . පැයකට පසු ඇයව වාට්ටුව වෙත රෑගෙන ආවෙ කුඩා බිළිදෙකු සමගිනි .එම බිළිදාගේ මුහුණ් දුටු විගස තමාට අහිමි වී ගිය රෑකියා අවස්ථාව ගැන  ලක්ශාණිගේ සිතේ හටගත් වේදනාව වහා මැකී ගියේය . තමා පිහිට නොවූයේ නම් දෙනෝදහක් යනෙන මහමග මැද දරුවා බිහිවී එම කන්තාව කොතරම් අසරණ වේදැයි  ලක්ශාණි ට සිතුණි

සිද්ධිය ඇසූ   ලක්ශාණිගේ හිත මිතුරන් බොහෝ දෙනෙකු ඇයට දොස් පැවරුවා විනා එම සද්කාර්යය අහය කළේ නැත . ලෝකයාට පිහිටවීමට පෙර තමන්  ගැන බැලිය යුතු බව ඔවුන්ගේ අදහස් විය . බොහො දෙනෙකු එකම දෙය කියන විට ඔවුන් පවසනා ලෙස තමන් සැබෑවටම මෝඩියෙක්දැයි  ලක්ශාණිට නොසිතුනාද නොවේ .

නත්තල් අසිරිය මැකී කාලය සෙමෙන් ගෙවී යමින් තිබුණි . දිනක් නගරයට ගොස් එනවිට තමන්ගේ නමට ලිපියක් තිබෙනු දැක  ලක්ශාණි කුතුහලයට පත් වූවාය. එම ලිපිය එවා තිබුණෙ ඇය කළින් රෑකියාවට අයදුම් කළ ස්ථානයෙහි .ඔවුන් බලාපොරොත්තු වූ ආකාරයෙ අයදුම්කරුවන්  ඉදිරිපත් නොවූ බැවින් එම පරීක්ශණය නැවතත් පැවැත්වීමට තීරණය කළ බව දන්වා තිබූ අතර එයට නැවතත් සහභාගි විය යුතු දිනය සඳහන් කොට තිබුණි . තමා ඉදිරිපත් කළ බව දන්වා අයදුම්පත ගැන ඔවුන්ගේ විශේශ අවධානය යොමුවන්නට ඇති බව  ලක්ශාණිට සිතුණී . ඔවුන් නැවතත් තමාව කැඳවා ඇත්තෙ එබැවින් වන්නට ඇත එවේලේ තමා පිහිට වූ කාන්තාවගේ සහ අලුත උපන් බිළිඳාගේ මුහුණ  ලක්ශාණිගේ මතකයට නැගෙද්දී ඇගේ සිත මහත් වූ සතුටකින් පිරී ගියේය




ප.ලි - තිබෙන කාර්යබහුලත්වය සමහ වචනවල සුලු සුලු  අඩුපාඩු ඇති බැවින් එයට සමාව භාජනය කරනු සේක්වා.....

Thursday, March 14, 2013

෴ හළාල් කවී ෴

හළාල් ලේබලය ගැටලුවකට මැදිව
තැන තැන කතාවෙති මුල මැද අග නැතිව
නාමය අසා ඇත හේතුව අමතකව
අවුලක් වත් වෙයිද බැලුවෙමි සැකමුසුව!

මෙයින් දශක පහකට හයකට ඉහත
කොල්ලන් කුරුට්ටන් ලෙස නිදහස සහිත
ගත කළ දවස ගම රට ගෙවමින දසත
තාපස නිකායෙක බිහිවීමය විපත !

අහසින් වඩින දෙස තාපස නා සමිද
විමසෙල්ලෙනි වතුර බ්සමකට නැමද
ඒ ඒ මුත්තරා බොති වළදති පොරි විලද
අද ගස් මිදින්නා හෙට තවුසෙකි එසද !

සොහොන් රෙද්ද කොස් පඬු පොවනා ලදුව
පොරොවා සක්මනද නොදැනෙන ලෙස පොළොව
මිනී පිටියෙ ධර්මාසනයට මතුව
දෙසූ බණ අසා ගම යති තපසට පසුව !

පන්සල් වැහෙන දානය නොමදෙන තැනට
අරහං වුණා සාසනයද පමණෙකුට
තාපස නා සමිදු සිය දැහැනින් නැගිට
කරකාරයක් කර්ගෙන වැටුණයි බිමට !

එකී නෙක දශකයට නෙක මුහුණින් යුතුව
හොල්මන් පහළ වෙති සපුරන්නට අඩුව
ලත්තැන ලොප් වුණත් බල ශක්තිය මදව
මහ අනතුරක් විය අවුරුදු තිහ ගහව !

අග හිග කරගහත් ජිවන ගමන යන
අප යන අතර මග හිරු සදු දෙකට බැන
සිහිනෙන්වත් නොපැතු පැතුමක් ඇහිද ගෙන
හලාල් සහතිකය ඇත මෙහි පැම්ණෙමින !

යහපත් දහමෙක්ය ඉස්ලාමය නැමැති
ලක්වැසි බොදුන්වන් මුව ගරුකොට තකති
එම දහමට අනුව ආහාරෙට කැමතී
මසවුළුවලට පොදු ලේබලයක් ගසතී !

එම ලේබලය දත් බුරුසුවටද වදින
තරමට ඔසවත්දි කුතුහලයට පැමිණ
මහ සගරුවන අකැනැත්තෙන් වුව එදින
අදහ්ස් පළ කළො එහි කෙළවර ඇදින !

පාලක පන්තියද දෙස්පලු උදවියද
වෙන වෙන කතා බහවල දුව පැන ඇවිද
ජාතික පැනයෙකදි මෙතරම් නිස්සද්ද
නොදනිමු ඇට් කෙසෙල් හෙම ගිලලාවත්ද !

උලමා සංවිධානය බොදුබළ සේනා
කතිකාවකය ජනතාවට බලපානා
කොයියම් දෙයක් වුව විසදන්නට ඕනා
සාමය සමගියෙන් මිස අරගල වානා !

බැට කෑ ජාතියෙක ඉපදි තාම කන
මිනිසුන් හෙයින් අදුනමු අසමගියෙ හෙණ
වියහුන් ධනවතුන් නොව අප හිතට එන
විසදුම බොහොම සරළය එය අසනු මැන !

ඉස්ලාම් බැති මතුනි අන් අය ගැනද හිතා
හලාල් යන්න ඇදි ලොකු අකුරින්ම ඉතා
පිලිහුඩු විකුණන්න එම දවටනය ඔතා
රුචි අය ගනිති අප ගැන ගැටළුවක් නැතා !



ප.ලි - මෙයට අදහස් දුන් මා සමග එකට වැඩකරන සුපුන් සුදාරක සහෝදරයාට මාගේ ප්‍රණාමය 
 

Thursday, March 7, 2013

෴ දිව ෴

දත් තිස් දෙකක් මාද පිහිටා ඇති                   දිවට
කෑමට මෙන්ම බීමට උරදෙන                       මුලට
ඉදුරන් පසෙන් තැනදිය යුතු පල                    මුවට
එය කොට උනොත් ගොලුවා කියනව            අපට

ඕපා දූප බොරු කේලම් දෙසී                          මට
උප දෙස් මෙන්ම එන අදහස් දෙඩි                  මට
පණි විඩ රහස් ඉඟියෙන් හැඩ යැව්                  මට
නැතිව බැරිම දෙය දිවවෙයි ඉරි                       මට

කට බොරු කීවමුත් දිව බොරු කියන්              නැත
පෙරසිට පැවත එන කියමන මැකෙන්              නැත
දිව මත කටු ගසා නෙක දෙව් වරුන්                 වෙත
පුද පූජාද දෙන අය ඉදිරියෙන්                           ඇත

මිනිසාට සතාහට සිව්පා සතුන්                           හට
උපතින් දිවක් ඇත දිවිමග හෙවත්                     නට
දිව දෙක බැගින් ඇති තලගොය හැරෙන්           නට
කබරයෝ සිකනලෝ නැතුවද පෙනෙන්            නට

මුද්දර ලියුම් කවරය අලවන                              වැඩට
එලෙසම තවත් නොකියන නොපෙනෙන          වැඩට
නැතිවම බැරිම දෙය දිවවෙයි යට                      උඩට
එය පින වන්න ගොස් වැටෙනව මඩ                  ගොඩට

දස්කම කතිකයට රන්දිව නමැති                        නම
ලැබගෙන තිබේ කරලියේ හඩ නගපු                  මම
පිරිසිදු සිතින් උත්තම දිව රකින                         හැම
ලැබ ගත හැකිය සිරිගර රස බලපු                       වම

දිව රලු උනොත් රස ඉස්මතු                               නොවේය
කොපමණ කතා කළමුත් කොට                         නොවේය
එය කොට උනොත් හඩ පැහැදිලි                        නොවේය
දිව ගිලුනම පණනල පිට                                     නොවේය

හොද හදවතක් ඇත්තට හොද දිවක්                     ඇත
එලෙසම හොදින් ඇසුමට කන් දෙකක්                ඇත
උපතින් ලැබුව රස ගුණ දත් පිනක්                      ඇත
නොමදත් කෙලෙහි ගුණ දිවකට උලක්                 ඇත

දිව ගෑවෙන්න කැක්කුම ඇති දත                          ළඟය
තොලකට උනත් ලංවෙන්නෙ දිව                          ළඟය
වැඩි පුර උනත් නැට වෙන්නේ කත                       ළඟය
දිව රැක ගත්තේ නැත්නම් මරණය                         ළඟය

හැම දුක් ගැහැට එන්නේ දිව                                  නිසාය
බෙල්ලට ලනුව එන්නෙත් දිව                                නිසාය
දිග ඇර ගන්න බැරි ගැටදිව                                    නිසාය
රජකම දිළිදුකමම ද  දිව                                         නිසාය.........^_^





Wednesday, February 27, 2013

෴ ස්නයිෆර් තුවක්කූ ෴


හමුදා සහ නීති ආරක්ෂක භාවිතයන්හීදි අනෙකුත් සාමාන්‍ය තුවක්කුවලට සාපේක්ෂව වඩාත් විශාල පරාසයක් තුළ ඉතා නිරවද්‍ය ලෙස වෙඩි පහර එල්ලකිරීම සඳහා භාවිතා වන තුවක්කු හැදින්වීම සඳහා ස්නයිපර් තුවක්කු යන යෙදුම බහුලව භාවිතා වේ. සාමාන්‍ය ස්නයිපර් තුවක්කුවක් නිර්මාණය කෙරෙනුයේ උපරිම නිරවද්‍යතාවක් ලබාගත හැකි වන පරිදිය. සාමාන්‍යයෙන් එයට දුර දක්නයක් සවිකර ඇත. එමෙන්ම එය සකස් කෙරෙනුයේ හමුදාමය centrefire cartridge සඳහා ගැළපෙන පරිදි වේ. බොහෝ විට ජනමාධ්‍යයන් තුළ මිනිසුන් ඉලක්ක කර ගෙන ප්‍රහාර එල්ල කිරීම සඳහා භාවිතා කෙරෙන දුර දක්නයක් සවිකර නිරවද්‍යතාව ඉහළ නැංවූ ඕනෑම තුවක්කුවක් හැඳින්වීම සඳහා ස්නයිපර් තුවක්කුව යන යෙදුම භා‍විතා වේ.
ස්නයිපර් තුවක්කු කරුවෙකුගේ හමුදාමය වැඩ කොටසේ ආරම්භය 18 වන සියවසේ අවසානය තරම් අතීතයට දිවෙයි. ස්නයිපර් තුවක්කු කරුවෙකු හැඳින්වීම සඳහා භාවිතා වන ඉංග්‍රීසි වදන වන Sniper යන්න දඩයම් කිරීමට සහ වෙඩි තැබීමට අපහසු වූ Snipe නම් කුරුළු වර්ගය ඇසුරෙන් නිර්මාණය වූවකි. කෙසේ නමුත් ස්නයිපර් තුවක්කුව වඩාත් නූතන නිර්මාණයකි. තාක්ෂණයේ දියුණුවත් සමග එනම් වඩාත් දියුණු දුරදක්න සහ වඩාත් නිරවද්‍ය නිෂ්පාදන ක්‍රමවේද කරලියට පැමීණීමත් සමග සාමාන්‍ය පාබල හමුදා අවිවලට වඩා දිග දුර ක්‍රියාත්මක වන අවි භාවිත කරමින් ඉතා නිවැරදි වෙඩි ප්‍රහාර එල්ල කිරීමේ හැකියාවෙන් යුත් විශේෂයෙන් පුහුණු කළ සොල්දාදුවන් යොදා ගැනීමේ හැකියාව හමුදාවන්ට හිමි විය. සාමාන්‍ය රයිෆලයක් (සාමාන්‍ය බොල්ට් ක්‍රියාකාරිත්වයෙන් යුතු රයිෆලයක්) වුවද දුරදක්නයක් සවිකළ විට ස්නයිපර් රයිෆලයක් බවට පත්වෙයි.

.
ඉතිහාසය දෙවන ලෝක යුද්ධ සමයෙ දී මොසින් - නගන්ට් (mosin Nagant) රයිෆලය රැසියානු වෙඩි තබන්නන් විසින් බහුලව භාවිතා කර ඇත. මේවායෙ දුරේක්ෂකද සවි කර ඇත. ඇමරිකානු සිවිල් යුද්ධයෙදී, සමගි සංවිධාන හමුදාවන් විසින් barrel – length three power scope mounted on the then premium British…………………………………………………………..

පැරණිතම සනයිපර් රයෆලය දිගු -දුර ˝Peep – sights˝ ලෙසින් නිර්මාණය කර ඇති අතර එය ඉලක්කගත පරාසයක දී භාවිතයට ගනී. පළමු ලෝක යුද්ධය ආරම්භයේ දී පමණක් සනයිපර් රයිෆල කරළියට ආ අතර පළමු හමුදා සනයිපර් රයිෆලය SMLE MK (HT) ලෙස කරළියට එන ලදී.දෙවන ලෝක යුද්ධ සමයේ නිර්මාණය කළ සනයිපර් සම්මත ප්‍රමාණයේ ඒවා විය. ඒවා නිවැරදිව භාවිතා කළ හැකි ලෙසට අතට හුරැ වු 2.5x ප්‍රමාණයේ දුරදක්නයක් සහිත කම්මුලේ තබා ගත හැකි වු ඇණයක් මගින් පහතට හැරවීමෙන් දුරෙක්ෂය භාවිතා කර ප්‍රහාරය එල්ල කල හැකි අයුරින් නිමවා ඇත. යුද්ධය අවසානයේ දී සියළු පාර්ශව වල හමුදා සතුව සනයිපර් රයිෆල් භාවිතා කළ හැකි පුහුණු වු සෙබළුන් විය. එමෙන්ම එදා මෙදා තුර ඔවුන් ඉතා වැදගත් මෙහෙයක් ඉටු කරන ලදහ.

  ස්නයිෆර් උණ්ඩ හා ඒවාට යා හැකි උපරිම දුර ප්‍රමාණයන්  ( අන්තර්ජාලය ඇසුරෙන් ගත්තකි )

        පතරොම     උපරිම කාර්යක්ෂමතා පරාසය
   5.56 x 45 mm          300 – 500 m
   7.62 x 51 mm          800 – 1000 m
   7.62 x 54 mm          800 – 1000 m
           .300          900 – 1200 m
           .338          1300 – 1600 m
  .50 BMG(12.7 x 99 mm )          1500 – 2000 m
  12.7 x 108 mm (Russian)
  14.5 x 114 mm           1900 – 2300 m

෴  ලෝ පතල ස්නයිෆර් වෙඩික්කරුවන් ෴ 


වැසිලි සයිත්සෙව් ( vasily zaytsev )   

ස්නයිෆර් වෙඩ්ක්කරුවන් අතරින් ජනප්‍රියතම වෙඩික්කරුවෙකු ලෙස රුසියානු ජාතික වැසිලි සයිත්සෙව් ( vasily zaytsev )      හැදින්වෙන අතර ඔහු අතින් 242 ආසන්න පිරිසක් මිය ගිය බවට වාර්තා වෙයි 

ක්‍රෝප්‍රල් ක්‍රේග් හැරිසන් (Corporal Craig Harrison) 

ලොව මෙතෙක් තබන ලද වැඩිම දුර ස්නයිපර් වෙඩිල්ල ලෙස සටහන් වන්නේ බ්‍රිතාන්‍ය ස්නයිපර්කරු ක්‍රෝප්‍රල් ක්‍රේග් හැරිසන් (Corporal Craig Harrison) විසින් තලෙයිබාන් සටන් කරුවන් දෙදෙනෙකු 2009 නොවැම්බරයේදී මීටර් 2475 දුරක සිට වෙඩි තබමින් මරා දැමීමයි

සීමෝ හේහා ( Simo Häyhä )

වැඩිම පිරිසක් තම ඉලක්කයට හසුකර ගැනීමේ වාර්තාව පිහිටුවා තිබෙන්නේ දෙවන ලෝක යුධ සමයේ පින්ලන්තය ආක්‍රමණය කිරීමට ආ රුසියානු සෙබලු 542 ක් මරා දැමු පින්ලන්ත හමුදාවේ 
සීමෝ හේහා Simo Häyhä විසිනි. 
රතු හමුදාව ඔහුව නම් කොට තිබුනේ “ ධවල මරණය“ 
("White Death") ලෙසයි. ඔහුගේ කම්මුලට වැදුනු වෙඩි පහරක් හේතුවෙන් මුහුනේ වම් පැත්ත වීරෑපි වී තිබුනි.

ලුඩ්මිලා පැවලිචෙන්කෝ ( Lyudmila Pavlichenko )

කාන්තා ස්නයිපර්වරියක් ලෙස වැඩිම සතුරන් පිරිසක් මරණයට යවා තිබෙන්නේ රුසියානු හමුදාවේ ලුඩ්මිලා පැවලිචෙන්කෝ  ඇය තම ඉලක්කය 309 දෙනෙකුට මරු කැදවා ඇත

“ රහමදියේ යක්ෂයා“ හෙවත් ඇමරිකානු සීල් බලකායේ ක්‍රිස් කයිල් ('Al-Shaitan Ramad'-the Devil of Rahmadi)

ඇමරිකානු යුධ ඉතිහාසයේ වැඩිම දස්කම් දැක්වු ස්නයිපර් තුවක්කුකරු ඇමරිකානු සීල් බලකායේ ක්‍රිස් කයිල්ය. 
ඔහුගේ වෙඩි ප්‍රහාරයන්ට ගොදුරු වු ගණන 255 ක් වේ. එයින් 160 ක්ම පෙන්ටගනය තහවුරු කර ඇත.

“ රහමදියේ යක්ෂයා“
('Al-Shaitan Ramad'-the Devil of Rahmadi)
ලෙස ඉරාක සටන්කාමීන් ඔහුව හදුන්වා ඇත. එලෙසම ඔහු මරා දමන්නෙකුට හෝ ඔත්තුවක් ලබාදෙන්නෙකුට ඇ.ඩො.20000 ත්‍යාගයක් ලබා දෙන බවත් ඉරාක සටන්කාමීන් විසින් ප්‍රසිද්ධ කොට තිබුනි.
ඔහුගේ විශිෂ්ඨම වෙඩි ප්‍රහාරය ලෙස සැලකෙන්නේ යාර 2100 දුරින් රොකට් ලෝන්චරයක් සහිතව පැමිනි ඉරාක සටන්කාමියකුගේ හිසටම එල්ල කරන ලද වෙඩි ප්‍රහාරයයි.
2009 දී වසර 10 ක සීල් භටයකු ලෙස සේවයෙන් පසුව 37 හැවිරිදි ඔහු විශ්‍රාම ගිය අතර ස්නයිපර් භටයකු ලෙස තම ජිවිතය පිලිබඳ American Sniper නමින් ග්‍රන්ථයක්ද එලි දක්වා ඇත. දැනට ඔහු ස්නයිපර් භටයන් පුහුණු කරන්නෙකු ලෙස රාජකාරි කරනු ලබයි.


ඉතාම මෑතක කොටි ත්‍රස්ථවාදින්ට එරෙහිව ශ්‍රි ලංකාවේ දියත් වුන මෙහෙයුම් වලදී ශ්‍රි ලංකා යුධ හමුදා ස්නයිපර් බලකායේ සෙබළුන් විශාලම දායකත්වයක් දැක්වූවා.  

ඒ හතරවන ඊලාම් යුද්ධයේදි විතරක් කොටි ත්‍රස්තයන් 2800 ක් මෙම සැඟවුනු ස්නයිපර් උණ්ඩයට ගොදුරු කර ගනිමින්. නීරෝ, කැමා,ලාරා, මරර්,පිග්මි හා සූන් යන නම් වලින් මේ විශීෂ්ඨ ස්නයිපර් කරුවන් ලංකාව පුරාම ප්‍රසිද්ධ වුනා. 
නීරෝ යන සංකේත නාමයෙන් හැදින්වුන කෝප්‍රල් රංජිත් ප්‍රේමසිරි නිහඩවම තම සේවය ඉටුකරමින් තම මව්බිම වෙනුවෙන් 
2009 අප්‍රේල් මස 28 දින මව්බිමෙන් සමුගත්තා... 
ඒ වන විට ඔහුගේ නිවැරදි ඉලක්කයට ත්‍රස්ථවාදින් 214 ගොදුරුව තිබුනා.. 

ඔහුට අපගේ උපහාරය!






Wednesday, February 13, 2013

෴ ගණිකා වත ෴


ලෝකයේ පැරණිම වෘත්තිය ගණිකා වෘත්තිය බව අසත්‍යයක් නො‍‍වේ. මෙතෙක් පැවති හැමශිෂ්ටාචාරයකින්ම ගණිකා වෘත්තිය බැහැර නොවිණි. අතීත ග්‍රීක හා භාරතීය ශිෂ්ටාචාරයන්හි ගණිකා වෘත්තියට හිමි වී පැවතුණේ විශිෂ්ට ස්ථානයකි. ශ්‍රී ලංකාවෙහි ශිෂ්ටාචාරය‍ට පදනම වැටුණේ පුරාණ භාරතීය ශිෂ්ටාචාරයෙනි. විශේෂයෙන්ම ශ්‍රී ලංකාවට බුදුදහම පැමිණීමත් සමඟම භාරතීය මෞර්ය ශිෂ්ටාචාර‍යෙහි බොහෝ අංගද මෙරට පැමිණි අයුරු වංශකථා හෙළි කරයි. එහෙත් මෞර්ය පාලනය තුළ භාරතයෙහි පැවති ගණිකා දෙපාර්ත‍මේන්තුව වැන්නක් මෙරට රාජ්‍ය පාලනයට එක් වූ බවට සාධක නැත.
ගණිකාවකගේ හැසිරීම් රටාව කෙබදු වියයුතුද යනු වාත්ස්‍යායන තම කාමසූත්‍රය නැමැති ග්‍රන්ථයෙහි හයවන අධිකරණයෙහි ඇතුළත් වන පරිච්ජේද හය මඟින් පහදා දෙයි. ඔහු පවසන අන්දමට ගණිකාවගේ අනුරතිය මෙන්ම දිවි පැවැත්මද රඳා පවත්නේ ඇය කරා පුරැෂයන්ගේ පැමිණීම ඇති කල්හි පමණි. ඒ සඳහා ගණිකාව අනුගමනය කළ යුතු උපාය මාර්ගද පහදන ඔහු ගණිකාවගේ ප්‍රේමය කෘතිම වුවත් එය ස්වාභාවික ප්‍රේමයක් සේ පැවැත්වියයුතු බවද අවධාරණය කරයි. ඒ වනාහී ධන ලාභය පිණිස අවශ්‍යම වෙයි. එහෙත් මෙහිදී ගණිකාව තම ව්‍යාපාරය ධනය පිළිබඳ අපේක්ෂාව මතම සිදු වන්නක් බව හැඟවීම පිණිස නිර්ලෝභීභාවයක් ප්‍රදර්ශනය කළ යුතුය. ධනය සූරාගතයුත්තේ උපාය මාර්ගයෙනි.

ගණිකාව වෙළඳ භාණ්ඩයකි.

ගණිකා වත3.gif
ගණිකා වත 2.gif
වාත්ස්‍යායනගේ ප්‍රකාශය අනුව ගණිකාව හුදෙක් වෙළඳ භාණ්ඩයක් හා සමානය. වෙළඳ භාණ්ඩයකට ඉල්ලුමක් ඇත්තේ එය ප්‍රදර්ශනය කරන විලාසය අනුවයි. එනිසා ගණිකාව ශෘංගාරවත් වේශාරෝපණයක් සහිතව මහමඟ යන හැම දෙනාටම පෙනෙන සේ සිටින්නීය. එහෙත් සපුරා පෙනෙන අයුරින් නම් නොවේ.
ගණිකා වෘත්තියද වෙළඳ ව්‍යාපාරයක් වන හෙයින් ගනුදෙනු කරුවන් ගෙන්නාගැනීම සඳහා ඇය උපක්‍රමශීලීව කටයුතු කළ යුතුය. එහිදී තැරැව්කාරයන් සමඟ මෙන්ම, ඇය වෙත පැමිණෙන්නවුන් වළක්වන්නවුන් සමඟද මිත්‍ර වීම අවශ්‍ය වෙයි. ඒ අතර වෙනත් ගණිකාවන් කරා යන්නවුන් තමන් කරා පමුණුවා ගැනීමටද වග බලාගැනීමද අවශ්‍ය වෙයි. මේ සඳහා කටයුතු කිරීමෙහිදී තමන්ට සිදු විය හැකි අනර්ථයන් ගැනද අවබෝධයෙන් සිටිය යුතුය.
මේ කාරියෙහිදී ඇය විසින් මිතුරුදම් පැවැත්වියයුතු පුද්ගලයන් රැසක් ගැනද වාත්ස්‍යායන සඳහන් කරයි. ඔවුන් අතර ආරක්ෂක පුරුෂයන්, වෙදුන්, නීතිවේදීන්, දෛවඥයන්, ශූරයන්, විද්වතුන්, කලාකරුවන්, සහායකයන්, විදුෂකයන්, මායාකාරයන්, සුවඳ බඩු වෙළෙන්දන්, බේබද්දන්, රජකයන්, කරණවෑමියන් මෙන්ම හිඟන්නෝද වෙති. ඔවුන් සමඟ ඇති කරගන්නා මිත්‍රත්වය නිසා තමන්ට අවශ්‍ය විවිධ කටයුතු ඔවුන් ලවා කරවාගත හැකිය.
හුදෙක් ධනය ලබාගැනීම සඳහා ඇසුරු කළයුතු පුද්ගලයන් පමණක් නොව ගණිකාව තම ප්‍රීතිය හා කීර්තිය වර්ධනය කර ගැනීමට ඇසුරු කළයුතු වෙනත් පුද්ගලයන් රැසක් ගැනද වාත්ස්‍යායන සඳහන් කරයි. ඔවුන් අතුරෙන් ධනය ලබාගැනීම පිණිස කිසිවකුට යටත් නොවන්නන්, යෞවනයෙහි පසුවන්නන්, නිළධාරීන්, පරපුරින් ධනයට හිමිකම් කියන්නන්, අධික ආදායම් ඇත්තවුන්, තමන් සෞභාග්‍යයෙන් යුතුය යන හැඟීම ඇත්තවුන්, ප්‍රසිද්ධිය පතන පණ්ඩිතයන්, පොහොසත් පවුලක එකම පුත්‍රයා වන්නන්, වීරයන් මෙන්ම වෙදුන්ද ඇසුරු කළයුතුය.
ප්‍රීතිය හා කීර්තිය පිණිස ගුණවතුන්, වංශවතුන්, උගතුන්, දාර්ශනිකයන්, කවීන්, ශිල්පීන්, ප්‍රබන්ධ කථිකයන්, කථිකයන්, බුහුටි වූවන්, ශ්‍රේෂ්ඨ පුරුෂයන් ඇසුරු කරන්නන්, නින්දාට පත් නොවූවන් ඇසුරු කළයුතුය. එහෙත් මෙවැනි පුද්ගලයන් ගණිකාවන්ට වසඟ නොවන පිරිසක් නොවන බව ද වාත්ස්‍යායන සඳහන් කරයි.

ගණිකාව සතු චාරිත්‍ර

ගණිකා වත8.gif
ගණිකා වත9.gif
ගණිකාව විසින් අනුගමනය කළයුතු චාරිත්‍ර විධි විශේෂයක් ගැනද වාත්ස්‍යායන සඳහන් කරයි. ඒ අනුව ඇයගේ හැසිරීම් රටාවෙහි ප්‍රධාන ලක්ෂණය වියයුත්තේ පුද්ගලයකු තමාට ඇලුණු පසු තමා ඔහු කෙරෙහි නොඇලී ඔහු කෙරෙහි ඇලුණු තැනැත්තියක මෙන් කටයුතු කිරීමය. එබදු ගණිකාවන් පිළිබඳ පුවත්ජාතකකථා රැසක දක්නට ලැබෙයි. තක්කාරිය ජාතකයෙහි සඳහන් වන ගණිකාව මසුරන් දහසක් රැගෙන තමන් වෙත නිතර පැමිණෙන සිටුපුත්‍රයකු නග්න කරවා පිටත් කිරීමට තරම් සහැසි වෙයි. එයින් පැහැදිලි වන්නේ ඒ සිටුපුත්‍රයා නිතර තමන් වෙත පැමිණියත් ඔහු පිළිබඳව සැබෑ ඇල්මක් නොපැවති බවයි.
වාත්ස්‍යායන පවසන පරිදි ගණිකාව ඇය බලා කියා ගන්නා මවට යටත්ව පැවැතිය යුතුය. මෙහි "මව" යන්නෙන් අදහස් කරන්නේ පෙර ගණිකාවක ලෙස විසූ තමාගේම මව හෝ ගණිකාවක ලෙස ජීවත් වූ වෙනත් ස්ත්‍රියකි. මේ කියන මව ක්‍රෑර ස්වභාවයක් ඇති ලෝභී තැනැත්තියක වියයුතුය. ඇයට ගණිකාව වෙනත් තැනැත්තකු සමඟ එක්ව සිටින විට ඔහු කෙරෙන් බලහත්කාරයෙන් කැඳවාගෙන අවුත් ඔහුට වඩා ධනවත් පුද්ගලයකු වෙත පැමිණිවිය හැකි විය. එබදු අවස්ථාවක කලින් එක්ව සිටි පුරුෂයාට ඒ සිද්ධිය පිළිබඳව තම අරුචිය, දුක, ලැජ්ජාව හා භය හඟවන්න‍ට ගණිකාවට හැකි වියයුතුය. එසේම මවගේ කීමකට අකැමත්ත නොදැක්වීමද වියයුත්තකි.
ගණිකාව හිසරුදාවකින් හෝ බඩේ රුදාවකින් හෝ පෙළෙන්නේ නම් ඒ බව තමා බලාපොරොත්තුව ආ පුරුෂයාට පැවැසියයුත්තේ එක් වරක් පමණි. එහෙත් තමා වෙත පැමිණි තැනැත්තකු සමඟ එක්වීමට නොකැමති නම් ඒ බව ඔහුට කෙළින්ම ප්‍රකාශ නොකොට තමාට රෝගයක් ඇතැයි කියා ඔහු රැවටීම සිදුකළ යුතුය. තමා පිළිගන්නා පුරුෂයාට සේවිකාවක ලවා මල් බුලත් ආදියෙන්ද සංග්‍රහ කළ යුතුය.
ඉහත සඳහන් කරන ලද තක්කාරිය ජාතකයෙහි සඳහන් වන අන්දමට නම් ගණිකාව තමා වෙතට පැමිණෙන පුරුෂයා දෙන දහසින් පන්සියයක් තමාට තබාගෙන ඉතිරි පන්සියයෙන් ඔහුට අවශ්‍ය බත්,බුලත්, සුවඳ විලවුන්, ඇදුම් සැපයියයුතු විය. එසේම පුරුෂයා තමා ඇඳගෙන ආ ඇදුම් වෙනුවට ගණිකාව දෙන ඇඳුම් ඇඳියයුතු විය.
ගණිකාව තමා වෙත පැමිණි පුරුෂයාගේ අභිප්‍රායට අනුකූලව කටයුතු කළ යුතු බවද වාත්ස්‍යායන පෙන්වා දෙයි. තමා හා එක්වූ පුරුෂයාගේ වෛරකාරයන්ට තමාද වෛර කරන බව, ඔහුට ප්‍රිය අය තමාද ප්‍රිය කරන බව, ඔහු යමකට රුචි කරයි නම් තමාද ඊට රුචි කරන බව, ඔහුගේ සතුටට සතුටු වන බව, ශෝකයට ශෝක වන බව හැඟවිය යුතුය. ඒ අතර ඔහුගේ අන්‍ය ප්‍රියාවන් ගැන දැනගන්නට කැමති බව හඟවා ඔවුන් ගැන පවසන විට කෝප වන ආකාරයක්ද දැක්වියයුතු වේ. එහිදී එය හැර ඔහු කියන හැම දෙයටම එකඟ බව දැක්වීමද අවශ්‍ය වේ.
මේ අයුරින් ගණිකාව විසින් අනුගමනය කළයුතු චාරිත්‍ර විධි මහත් රාශියක් ගැන වාත්ස්‍යායන සාකච්ඡා කරයි. එපමණක් නොව තමා සඳහන් නොකළ වෙනත් කරුණු තිබිය හැකි හෙයින් ඒවා පරිසරයෙන් හා පුද්ගල ස්වභාවයෙන් දතයුතු බවක්ද හේ සඳහන් කරයි. ඔහු තව දුරටත් පවසන පරිදි ගණිකාව තම හැසිරීම මඟින් පුරුෂයන් හා සියලු ධනය ඇදගන්නා කල්හිත් ඒ ගැන ඔවුන්ට නොවැටහෙයි. ඒ අනුව ගණිකාවන් සතු සිරිත් කුමක් අරමුණු කොටගෙන පවතීද යනු පැහැදිලිය.

අභිසරුවෝ

ගණිකා වත7.gif
ගණිකා වත5.gif
අභිසරුවෝ හෙවත් අභිසාරිකාවෝ නම් පුරුෂයන් විසින් සඳහන් කරන ලද තැන්වලට ගොස් ඔවුන් හමුවන ගණිකාවෝය. පැරණි සිංහල ගී කාව්‍යයන්හීදීත්සන්දේශ කාව්‍යයන්හීදීත් අපට අභිසරුවන් ගැන නොයෙක් විට අසන්නට ලැබේ.
අභිසරුවන් පුරුෂයන් සොයාගෙන ගියේ රාත්‍රී කාලයෙහිය. ඔවුන්ට රාත්‍රිය ගෙවී යෑම ඔවුන්ගේ අමනාපයට හේතු වන බව ද කිවීහු පවසති. එපමණක් නොවේ, රාත්‍රියෙහි තැන්තැන්වල ඇති ආලෝකයටද සුපුන් සඳ පහනටද ඔවුහු වෛර කරති. ඒ තමන් අනුන්ට පෙනෙතැයි යන බිය නිසා ඇතිවන්නකි. එයින් පැහැදිලි වන්නේ අභිසරුවන් තම වෘත්තිය අනුන්ට නොහැගෙන සේ රහසින් පවත්වාගෙන යෑමට රුචි කළ බවයි.
එහෙත් වාත්ස්‍යායන අභිසරුවන් ගැන පවසන කරුණු අනුව නම් ඔවුන් කවීන් පවසන තරම් බියකින් තම වෘත්තිය පවත්වාගෙන ගිය බවක් නොපෙනේ. පුරුෂයන් අභිසරුවන්ගේ පැමිණීම අපේක්ෂා කොට ඇත්තේ නළුවන්, විකටයන්, හා යහළුවන්ද සමඟ අසුන් ගනිමිනි. එහිදී ගැයුම් වැයුම්වලද ඔවුන් නිරත වූ අතර අභිසරුවන් කැඳවාගන්නා ලද්දේ දුතියන් මඟිනි. නැතහොත් පුරුෂයෝම ගොස් ඔවුන් කැඳවාගෙන ආහ.
එසේ පැමිණි අභිසරුවන් යහළුවන් සමඟින් මිහිරි වදනින්, හරවත් වදනින් යුතුව පිළිගැනීමද සිදු විය. වැසි දිනවලදී අභිසරුවන්ගේ ඇදුම් පැළදුම් තෙමී තිබුණහොත් පුරුෂයන් විසින් ඒවා සැපයිය යුතු විය. එසේම නළලෙහි තබන ලද තිලක හා පත්‍රලේඛා(සුවඳ කුඩුවලින් කම්මුලෙහි කරනු ලබන සැරසිලි විශේෂයකි.) සේදී තිබේ නම් පුරුෂයන් ඒවා සැරසිය යුතු විය.



Monday, January 14, 2013

෴ මන්තර ( කොටස 1 ) ෴

මට මෙ දවස් 3න 4කට කලින් කඩෙන් බත් එකක් අරගත්තා එක ඔතල තිබිබ පත්තර කෑල්ලෙ තිබ්බා මන්තර වගයක් ඉතිං ඔව විස්වාස කරන කෙනෙක් මෙකෙ හරි ඉදියි කියල  මට හිතුනා එ ටික මෙකෙ දාන්න ............:3

******************  සර්ප විසට ********************

පහත සදහන් මන්ත්‍රයෙන් 108 වරක් මතුරා පැමිණි දූතයාට බුලත් මතුරා කෑමට දෙන්න

  මන්ත්‍රය 

නමෝ අලප්පේ අනාදො විෂනගිරේ විෂනහිඃ




******************  දිවි මකුලු විෂට ********************


පහත සදහන් මන්ත්‍රයෙන් 54 වර හෝ 108 වර මතුරන්න

  මන්ත්‍රය 

ඕං ඉරං රස්වාහඃ


******************  කටු විෂට ********************

පහත සදහන් මන්ත්‍රයෙන් 21 වරක් තල තෙල් වලට මතුරා කටු ඇණුන තැන ආලේප කරන්න

  මන්ත්‍රය 

ඕං නමෝ සත්මුදකින් ඒ දේසේ කුවේනි යක්ෂණි රැයකට කටු පස්පෑල පල්ලාහක් ගිලිය ඒ කටු විස නැති වුන ආනුභාවෙන් මේ කටු විස නැති සප්‍රලේස්වාහඃ


******************  ඉක්කාවට ********************

පහත සදහන් මන්ත්‍රයෙන් 21 වරක් ජලයට මතුරා පානයක කරන්න


  මන්ත්‍රය 

ඕං අක්කාල පෙරුමාල ඉක්කාල පෙරුමාල අක්කාල ඉක්කාල ඒස්වාහඃ


******************  ඇස්වහ දුරුවීමට ********************

පහත මන්ත්‍රයෙන් 108 වර මතුරන්න

  මන්ත්‍රය 

ඕං නමෝ කීකරු අකීකරු කීකරු ස්වාහඃ ඕං නමෝ කටබන්දාමි නීලබන්දාමි බන්ද ලෝක ලෝකේ ස්වාහඃ


******************෴  බඩේ කැක්කුමට ෴********************

පහත සදහන් මන්ත්‍රයෙන් බුලතේ 07 තැනක ලියා 7 වරක් එයට මතුරා කන්න දෙන්න

  මන්ත්‍රය 

නමෝ දර්ප  දර්ප ඒස්වාගඃ


( සෑ.යු. මෙව කිරීමෙං සිදුවන අතුරුපල වලට මා වග නොකියමි ඉතිරි කොටසත් බලාපොරොත්තු වන්න )